Nel episodiu d’esta selmana siguimos col LP “In the dark” de Toots and the Maytals. Tamién aprovechamos pa sintir noveDubes de Tom Spirals & Dreadsquad, Misha1dem y Flying Vipers y Happy People Records.
Y pa finar la Miguina Esbilla, un corte de un 12’’ de Linval Thompson y A-Lone Ark Music Studio.
Dempués cuntamos como convidau con Rául de L’Economatu Discos col que charramos sobre la so tienda de discos online y más coses, amás de ximielgalo asgaya con temes de formaciones más cercanes y d’angüaño como Tito Pontet o el Lovers Rock de Agromondarrak y Tritone Grabaciones, y clásicos como Augustus Pablo.
Nuevu programa de Ximiélgalo Radio Show, y ya van 18 episodios.
Nesti casu entamemos pinchando el LP “In The Dark” de Toots & The Maytals que va acompañanos fasta que fine esta primera temporada ximielguera, dempués sintimos noveDUBes de Jennifer Barret, George Palmer y Valmeria Roots y pa finar el segundu llanzamientu de Balboa Music con Lion Sitte sobre un ritmu de Chalart 58.
Y dempués cuntamos como convidau con Xose N’ast Fhaya Selektah col que falamos sobre Chalaneru Sound, Asgayah sound, Allanai Crew, al son de la so esbilla de ska y roots reggae.
Tornamos a les ondes, dempués d’unes pequeñes vacaciones con un Orixinal Ximiélgalo comandau por Miguina y Betamarri.
Nesti episodiu pinchamos en vinilu sones de The Termites, Desmond Dekker y Tacumah Reggae Band.
Tamién sentimos noveDUBes de Fajador Records y Caribean Uptempo, Carrol Thompson y Glady Wax, La Panchita Records y Matah, Chou y La Diligente Reggae Band en combinación con Balboa Music y el caberu llanzamientu de Mungo’s Hifi con Gardna y Catching Cairo.
Amás la estalla “Pallabres, Son y Puxu” y más música esbillada por Miguina Selektah.
Nesti caberu programa enantes de unes merecíes vacaciones entamamos sintiendo un tema del nuevu LP de Tacumah Reggae Band y la cara A de un 7 pulgaes col clasicu de The Termites “Miss Stella”. Pa siguir sintimos un poco de Ska Jazz de la mano de Don Cosmic y el su nuevu sencillu.
Amás cuntamos con Karmo Allanai como convidau col que esfrutamos de una esbilla en vinilu, una bona charra sobre sound system y un excluuusive.
Nel episodiu númberu 14 del Ximiélgalo Radio Show nun cuntamos con convidaes, pero si col vezu de sentir bona musica y bones vibraciones.
Entamamos l’asuntu con dos cancios en vinilo. Entamábamos presentando “Listen to the music”, pero pol contrariu, pinchemos la cara B d’esti 7 pulgaes del sellu Caltone y lo que sono foi “I can’t do no more” de The Emotions.
Dempués ensin fallu pinchemos “Ska Baby” de Boby Ellis & The Upsetters.
Pa siguir una riestra de noveDUBes de Akatz, Matah – La Panchita Records, Sista Cheka, Joe Yorke and Stand High Patrol, que rematamos cola estaya “Pallabres, son y puxu” na que falamos alrodiu del autor homenaxeau na Selmana de les Lletres Asturianes, Nel Amaro al son d’un dub y un canciu de La Tarrancha.
Dempués del impás lliterariu, más noveDUBes de Moon Mermaid, Ziztada eta Rlantz, Sumac Dub & Art-X y Crenoka.
Y pa rematar un cachin d’una de les mixtapes del colectivu Jah Vapor y la estaya “versiones, remezcles y otres milongues” onde despachamos l’especial Cloud Connection del sellu ODG Prod.
22/06/2021
Categorias
Ximiélgalo Radio Show
Editado por
radiokras
Este audio ha sido descargado 333 veces
russian escorts in gurgaon