Ximielgalo_Episodiu14 Orixinal

Date 04/05/2021

Nel episodiu númberu 14 del Ximiélgalo Radio Show nun cuntamos con convidaes, pero si col vezu de sentir bona musica y bones vibraciones. Entamamos l’asuntu con dos cancios en vinilo. Entamábamos presentando “Listen to the music”, pero pol contrariu, pinchemos la cara B d’esti 7 pulgaes del sellu Caltone y lo que sono foi “I can’t do no more” de The Emotions.
Dempués ensin fallu pinchemos “Ska Baby” de Boby Ellis & The Upsetters. Pa siguir una riestra de noveDUBes de Akatz, Matah – La Panchita Records, Sista Cheka, Joe Yorke and Stand High Patrol, que rematamos cola estaya “Pallabres, son y puxu” na que falamos alrodiu del autor homenaxeau na Selmana de les Lletres Asturianes, Nel Amaro al son d’un dub y un canciu de La Tarrancha.

Dempués del impás lliterariu, más noveDUBes de Moon Mermaid, Ziztada eta Rlantz, Sumac Dub & Art-X y Crenoka.
Y pa rematar un cachin d’una de les mixtapes del colectivu Jah Vapor y la estaya “versiones, remezcles y otres milongues” onde despachamos l’especial Cloud Connection del sellu ODG Prod.

ORIXINAL XIMIÉLGALO STYLE!

 Descargar audio MP3 (58 MB | 63:20 min)

 

Ximielgalo_Episodiu13(ElCorrector)

Date 27/04/2021

Episodiu 12+1, nel que cuntamos como convidáu con El Corrector.

Pero enantes de da-y pasu, pinchamos la combinación ente George Palmer y Rikar, pal primer LP d’esti últimu, tamién primera referencia del sellu Turbocharger Internationa, la cara B del 7 pulgaes que sintíamos la selmana pasada del sellu Gay Feet y pa pone-y el ramu a la esbilla selektah de Miguina, esfrutamos del primer balazu de la triloxía pandémica de la banda bilbaina SuperAkatz.

Dempués de too esto, esfrutamos de temarracos de ska, rocksteady y skinhead-reggae de la mano de Rafa R. Valdés “El Corrector”, col que aprovechamos pa falar de la música que más mos presta, de la so trayectoria na radio, del UC Ceares y de la serie editorial que dirixe, Calume Ediciones.

 Descargar audio MP3 (70 MB | 76:40 min)

 

Ximielgalo_Episodiu12(Tharez)

Date 20/04/2021

Nel programa d’esta selmana siguimos sintiendo música en vinilu de Trojan Records, y tamién del sellu Gay Feet.

Pa finar esti primer segmentu del programa esfrutamos de Winner, de Golden Gems, iniciativa de Capra Records. Dempués falamos con Tharez que mos presenta el so llibru “Palacio Mental” y recitanos varios poemes. Tras la entrevista y les llíriques, más sones d’influencia xamaicana con Txisi Txamas & The Titanians, Tirtha man atopando a Don Cosmic a los vientos y Harny Roots con noveDubes dende La Panchita Records.

Y pa finar un poco de dub y bass music con Dub Troubles, Panda Dub y Tetra Hydro K de los sellos Fat Bird Recording y ODG prod.

 Descargar audio MP3 (64 MB | 66:40 min)

 

Ximielgalo_episodiu10 (MUSOC)

Date 07/04/2021

Décima entrega de Ximiélgalo qu’entamamos con dos temes de Trojan Records de Dez All Stars y Ken Boothe en estrictu vinilu y seguimos colo nuevo de Bass Lee Music xunto a David Fendah.

Dempués el platu fuerte del programa, col especial sobre el MUSOC, la Muestra de Cine Social y Drechos Humanos d’Asturies, de la que mos falen Inés y Jairo como parte de la organización.

Pa finar, más música de TriXstar, KSD y Danman, Cool Up Records, Payoh Soul Rebel, The Sherlock Horns, Irie Nanara, Luiza, Joe Pilgrim, ODG Prod y Warrior Morla.

 Descargar audio MP3 (63 MB | 69:47 min)

 

Ximielgalo_episodiu9 (con Amazonians)

Date 30/03/2021

Caberu programa del mes de Marzu, mes de les muyeres, que rematamos con una entrevista con la banda valenciana Amazonians, presentando “Haciendo Tribu”.

Entamamos con un mini-especial sobre la productora Sandra Pottinger. Y pa seguir temazos de Subsistak eta Agromondarrak, Matah, High Paw, Ziztada & Rlantz o Soom T.
Cola collaboración de sellos como Pantx Records, Cool Up Records o La Panchita Records.

 Descargar audio MP3 (61 MB | 67:29 min)