Esta entrega d’El Corrector tuvo sorpreses, dedicatories mui sentíes y bien de reggae y ska de los setenta: Roland Alphonso, Dave Barker, Judge Dread, Dandy Livingstone… Pa poner el ramu al programa quiximos recordar a Amy Winehouse, poniendo un par de temes que fexo xunta The Specials.
Nesta entrega d’El Corrector proponémosvos viaxar con nosotros a los raigaños de la música que más nos presta. Una hora onde vais sintir espirituales, mento y calypso, pinchando pa vosotros sones de llibertá. Y facémoslo dende Asturies, una tierra onde, talo qu’escribió l’escritor Xandru Fernández, el borrín ye’l sol de los esclavos.
Una hora dedicada a pinchar temes del sellu Pama, el rival míticu de Trojan y unu de los más preferíos polos skinheads. Dieciséis temes de soul y reggae, dieciséis cortes que van ponete a bailar como ta mandao, dieciséis producciones de lo meyor de Pama; en fin y en pos, música de lo negro y de lo bueno.
Animaos polos últimos díes soleyeros, quiximos ufrir una retafila de covers de les que se marcaran cuantayá los Blues Brothers, esa banda creada polos cómicos Dan Aykroyd y John Belushi. El Corrector yá nun cuenta con técnicu de soníu, que lu abandonó por perres, y eso nótase. Pero nun ta desanimáu; tai seguros que vuelvi la selmana qu’entra con más material de lo negro y de lo bueno.
Un programa dedicáu a una de les vocalistes más señalaes de la historia del jazz, Ella Fitzgerald, acercando muestres distintes de les sos grabaciones (con Duke Ellington, en directu nel Londres del 1973…). Una cantante que nos presta pola vida y que queremos compartir con toes vosotres.
26/07/2011
Categorias
El corrector
Editado por
radiokras
Este audio ha sido descargado 1188 veces
Página anterior 
MIKE COOPER